Ta an BLAG SEO BOGTHA GO http://andrumamornuacht.blogspot.com/

Rinne Máirtín Ó Muilleoir tagairt shuimiúil inné ar a bhlag, http://apublishersblog.blogspot.com/ ar chumhacht You Tube agus a macasamhail. Ar ndóigh is fíor dó agus luaigh sé é go háirithe i gcomhthéacs an Phoblachtanais. Is cinnte nach dtuigimid fós a chumacht nó na féidearthachaí don am atá le teacht. Ach tá go leor ábhar i nGaeilge ar You Tube ag leithéidí Ciarán O Brollacháin, na Gaeil Óga agus dá réir. Agus luaigh duine a rinne postáil tamall ó shin don 'Revolution Speech' ón scannán Fistful of Dynamite agus go leor leor eile. Ach admhaim gur ghnách liom féin, go mion is go minic dul isteach ar You Tube le breathnú ar bheirt laoch, beirt laoch agus beirt laoch Gaelach, mar atá Seán Óg Ó hAilpín agus Dara Ó Cinnéide. Thóg an bheirt acu an Chorn ag Páirc an Chrocaigh, Seán Óg a thug leis Corn Mhic Carthaigh, Dara, Corn Mhig Uidhir. Agus thug an bheirt acu óráid iontach i nGaeilge agus iad ag glacadh leis an chorn. Tabhair cluas le héisteacht le Seán Óg go háirithe, iontach ar fad. Agus mura leor sin éist le Páidí Ó Sé agus é ag glacadh leis an chorn i 1985. Ar an taobh eile den scéal thig leat éisteacht le Páidí ag tabhairt 'f...animals' ar lucht tacaíochta. Níl san iomlán sin ach cuid bheag dá bhfuil ann. Agus tá sé fúinne anois cur leis. Agus gabh chuig http://uk.youtube.com/watch?v=-QAApOQhbwM más mian leat breathnú ar oscailt Ghaeltacht Cheanada dhá bhliain ó shin. Idir an dá linn má tá aon duine ar an eolas faoi fhíseanna Gaelacha agus ba mhaith leo go mbeadh lucht na Gaeilge in ann breathnú orthu thig leo dul i dteagmháil liom ag an bhlag anseo agus déanfaidh mé mo dhícheall lena gcur i láthair lucht léitheoireachta an bhlaig seo.

Thagair post ó 'Glórach is Gaelach' d'alt le Ciarán Dunbarr ar Lá Nua ar maidin. Ar na rudaí a mholtar san alt sintá an méid , plean B anois go bhfuil Lá Nua ar an dé deiridh, tá an méid seo a leanas,

1 Comharchumann a bhunú

2. Suíomh idirlín a bhunú.

3. Painéal scríbhneoirí éagsúla a chur le chéile

4. Ábhar a chur ar an suíomh i rith an ama - caithfear níos mó ná blag a bheith i gceist

5. Traenáil idirlín agus leagan amach páipéar a chur ar fail

6. ‘Rota’ a chur le chéile fá choinne leagan pdf. a dhéanamh den pháipéar ar bhonn seachtainiúil.

8. Bunachar sonraí a chur le chéile agus an páipéar a sheoladh chuig daoine fríd an rphost.

Tá roinnt moltaí eile déanta ag Ciarán a bhaineann le fógraíocht agus le leagan amach pháipéir nua. Moltaí stuama a bheidh ag croí aon phlé maidir le comharba Lá Nua.
Tá an plé tosaithe.
Chun mo chuid féin a chur leis an phlé mholfainn do na daoine atá ag cur Nós ar fáil smaoineamh ar thabhairt faoi nuachtán laethúil Gaeilge a chur ar fáil agus an t-ábhar atá ag Nós a bheith mar chuid d'ábhar an nuachtáin sin.
Tá go leor le hoibriú amach faoi shocmhainní Lá Nua agus dá réir agus níl gach rud soiléir go fóill.
Ach seo an t-am chun fáil amach cé a bheadh in ann nó a bheadh suim acu oibriú le, tacú le, ceannacht, nuachtán laethúil dá dtiocfadh a leithéid i gcomharbacht Lá Nua.
Agus ní lucht Nos amháin a bheadh i gceist le nuachtán laethúil nua nó seirbhís laethúil nua a chur ar fáil.
Cinnte le Dia go mbeadh sé fiche oiread níos deacra nuachtán laethúil a chur ar fáil (ar-líne nó clóite / ar-líne agus clóite) ná iris ghleoite a chur ar fáil.
Ach is mó i bhfad a rachaidh sé chun leas saol na Gaeilge, is mó i bhfad an cheannasaíocht don ghlúin seo Gaeil, go mbeadh nuachtán laethúil Gaeilge ann ná iris eile, dá gleoite í.

Más mian leat síntiús a thogáil don iris Nós thig leat ceann a cheannach ar-líne anois ag http://www.nosmag.com/ Nó labhair le lucht a dhíolta nó beidh sé á díol go forleathan ag an Oireachtas i gCorcaigh níos deanaí an tseachtain seo.
Tá 100 síntiús faighte ag an iris go dtí seo agus iad dóchasach go dtig leo 300 a aimsiú agus teacht amach i bhfoirm clóite. Mar a léiríonn cás Lá tá sé tábhachtach go ndéanann daoine níos mó ná caint faoi thacú le foilseacháin i nGaeilge. Caithfear síntiús a thógáil agus airgead a chur ar fáil chun go mairfeadh na foilseacháin seo beo. Tá Nós ar an tsaol le roinnt míonna anois agus é ag déanamh go maith. Ach ní mór di fás agus sa deireadh thiar thall, gan deontas ar bith ón stát ná ón Fhoras, tá sé ag brath cuid mhór orainne. Thig leatsa do pháirt a imirt ann.

Cothromas nó neodracht.
Is é sin rogha ó thuaidh. Agus arís eile tá raic ann cionn is go síleann na húdaráis ó thuaidh, ó iriseoirí go péas, gur gá dá gcuid oibrithe poipín a chaitheamh an t-am seo den bhliain.
Is cuma go bhfuil go leor de na hoibrithe sin atá naimhdeach do gach rud a sheasann an poipín dó sa tír seo. Tá an poipín ionadaíoch d'arm na Breataine agus dá gníomhartha ní amháin sna Sé Chontae agus in Éirinn ach thar lear. An Afganastáin, an Iaráic agus fiche áit eile.
Bhí sean uncail liom a throid sa chéad agus sa dara cogadh domhanda agus a thóg polio ag Dunkirk. Ach ní íobairt s'aige amháin a dhéantar a chomóradh leis an phoipín. Ach na saighdiúirí sin a thug batráil dom agus do go leor eile.
Ní cheadófaí do dhuine ar bith atá ag obair in aon áit phoiblí a bheith ag caitheamh lile na Cásca seachas poipín. Mar sin níl ach an dá rogha ann - neodracht nó cothromas. Bíodh an PSNI is craoltóirí an BBC ag caitheamh lile na Cásca agus an poipín nó ná bíodh craoltóirí nó péas ag caitheamh aon rud.
Ní cheart d'oibrithe an phobail a bheith ag caitheamh siombail a laochraíonn Paratrúipéirí Dhomhnach na Fola nó iad sin a chéas oibrí ostáin óg chun báis san Iaráic.
Gan trácht ar na péas a chonachthas ar Bhóthar na bhFál le déanaí lena gcuid poipíní, i gceantar mar ar dheacair teacht ar aon chlann nach raibh thíos le marú nó céasadh nó ciapadh arm na Breataine. Déanann an poipín comóradh ar an mhéid a d'fhulaing arm na Breataine ach ní ar na daoine a mharaigh siad is an fhulaingt s'acu sin.
Tá oiread airde is cuidithe tuillte acu is atá ag dul do lucht cogaidh.
Sa ghrianghraf thuas portráid de Tony Blair agus gan de dhath geal ann ach a phoipín. Jonathan Yeo, mac le hiarAire Tóraíoch sa Bhreatain, Timothy Yeo, a rinne é a pheinteáil.

Is é Alex Salmond a bheidh mar phríomhaoí ag na Gradaim Aislinge, duaiseanna a reáchtálann Grúpa Meán Bhéal Feirste gach bliain chun tallann is cumas is díograis phobal Bhéal Feirste a cheiliúradh. Is iontach an sceal é sin agus is amhlaidh is mó an tarraingt do dhaoine ar mhaith leo a bheith i láthair in Óstan an Europa ar 20 Samhain. Tá Martin Mc Guinnesss le bheith i láthair le Céad Aire Albain agus tá mé cinnte de go mbeidh plé iontach ag an bheirt faoin mhéid a bhain na hAlbanaigh amach lena tionól siúd agus a laghad is a bhain tionól Stormont amach cionn is nach bhfuil muinín ag na hAontachaithe iontu féin nó ina gcomharsanaigh. Tá Gradam na Gaeilge ar na gradaim eagsúla a aithnítear ar oíche na nGradam agus más suim leat duine nó grúpa a ainmniú don Ghradam sin thig dul isteach chuig an suíomh seo, http://www.belfastmedia.com/aisling/ Níl ach cúpla lá fágtha le go mbeadh na hainmiúcháin istigh mar sin, déan deifir. Tá a fhios agam go bhfuil daoine áirithe ag brú Breag go mór i mbliana agus chuala mé ainm Clára Nic Giolla luaite cúpla uair mar aon le Albert Fry agus Janet Muller. Ach fút atá sé - déan deifir.

Bhí mé istigh sa BBC i mBéal Feirste oíche Aoine seo thart le bheith páirteach i gclár a rinne comóradh ar 10 mbliana den sraith raidió BLAS.
Dhá bhliana go leith, trí bliana, a chaith mise ag obair ag BLAS agus is mór a chuir an taithí sin le mo dúil sa chraoltóireacht agus le mo scileanna cumarsaide. Agus thaitin sé go mór liom sna blianta sin a bheith mar dhuine de fhoireann iontach cumasach, spreagúil, cruthaitheach.
Ní raibh an chéad chlár de BLAS, a craoladh siar i 1998, cloiste agam riamh agus spreag sé cuimhní go leor a bheith ag éisteacht le mír ón chéad chlár sin oíche Aoine seo thart.
Roisín Ní Ceilleachair agus Antaine Ó Donnaile a chuir i láthair é agus cé gur threisigh is gur fhorbair is gur fhás an tsraith ó shin bhí ardchaighdean leagtha síos ar an chéad oíche sin.
Níorbh é an BBC an dream is fearr ó thaobh na Gaeilge na baol air ach in ainneoin sin d’éirigh le BLAS forbairt agus fás agus stádas a bhaint amach sa BBC ar aon dul le bunús mór na n-aonad eile taobh istigh den BBC sa tuaisceart.
A bhuí go mór mór do na daoine tallannacha a bhí chun tosaigh ann.
Orthu sin a bhí páirteach sa chlár comórtha bhí cuid de na hiarláithreoirí.
Liosta le háireamh iad sin a d’oibrigh seal fada nó gairid le BLAS nó atá ag obair ann i gcónaí. Orthu sin an file Paul Muldoon, an léachtóir Gearóid Stockman, an file Gearóid Mac Lochlainn, Cormac Ó hAdmhaill, Karen Kirby, Lynette Fay, Áine Walsh, (atá i gceannas ar an Chiste Craoltóireachta ó thuaidh) Brian Mullen, Fearghal Mag Uiginn, Tomaí Ó Conghaile, Maebh Ní Mhuirí, agus Áine Ní Bhroinn. Sílim mura bhfuil dul amú orm go raibh seal ag Seán Ó Coinn i mbun craolta ag BLAS chomh maith. Agus go leor eile a d’oibrigh mar láithreoirí nó ar léiriú / taighdiú, orthu sin Kate Mc Cann, Rosemhaire Nic Cionnaith, Diane Ní Mhaininn, Maryjane Smith, Niamh Nic Oistigín, Jacqueline Mc Cann (a bhíonn ag cur i láthair tuar na haimsire ar an BBC go minic na saolta seo)
Agus gan a lua iad sin a d’oibrigh ar na cláir a rinneadh i gcomhar le BLAS fiú féin mura raibh an lipead BLAS orthu in amanna, cláir Robbie Hannan san áireamh.
Liosta easnamach é an liosta thuas ach tá súil as agam go maithfidh iad sin nár luadh mé. Ceal ama chun machnamh agus taighdiú is cúis lena bheith fágtha ar lár. Mo leithscéal.
Agus bhí duine amháin a bhí ag croí na Gaeilge sa BBC le tamall fada anuas mar a bhí Ciarán Ó hEigeartaigh, a cailleadh bliain ó shin go cothrom an Chéadaoin bheag seo. Agus ní thiocfadh liom féin gan smaoineamh ar Aine Ní Dhocarthaigh as Doire a cailleadh anuraidh. Bean iontach, file is focal saoi le háireamh, cara iontach. Ar dheis Dé go raibh anam na díse.
Chuir BLAS seirbhís iontach ar fáil le 10 mbliana anuas agus tá mé cinnte de go méadóidh a thionchar is a lucht éisteachta sa 10 mbliana amach romhainn.
Agus ba dheas agam aithne bhlasta a chur air ón taobh istigh.

Sa ghrianghraf thuas feictear Fearghal Mac Uiginn agus Maryjane Smith ó fhoireann BLAS agus iad ag an Ostán Burlington i mBaile Átha Cliath do chluiche ceannais na peile anuraidh.

Cósta Uí Catháin atá díreach ar cheann amháin de na cláir iontacha a rinne an Chiste Craoltóireachta ó thuaidh a choimisiniú i mbliana. Tobar, comhlacht léiriúcháin atá lonnaithe sa Chultúrlann i mBéal Feirste a rinne an clár seo a chraolfar san athbhliain.
Tá Tobar faoi láthair ag obair ar thogra iontach eile, ‘cuileog ar an bhalla’ mar a deirfeá ag tuairisciú ar shaol na múinteoirí is na daltaí i dtrí Ghaelscoil fud na tíre, Coláiste Feirste i mBéal Feirste, scoil ar Inis Eoghain agus scoil i gCorcaigh. Deirtear gur clár thar a bheith maith atá ann agus tá TG4 iontach tógtha faoina bhfuil feicthe acu go dtí seo.
Agus mar a luaigh mé anseo cheana féin tá sraith iontach suimiúil á déanamh réidh ag Diarmuid Ó Tuama do Tobar, sraith faoi na cainteoirí dúchais deireanach i gCúig Uladh (seachas Dún na nGall) agus cúpla contae eile cois teorainn. Tá tuilleadh idir láimh ag Tobar ach níl an spás anseo chun iad uilig liostáil.
Agus ar ndóigh tá Tobar agus comhlachtaí eile mar é, thuaidh agus theas, ag brath go mór ar an Chiste Craoltóireachta ó thuaidh, dream a fógraíodh a mbás fiche uair i mbliana agus atá ag saothrú leo in ainneoin na n-ainneoin. B’fhéidir go bhfuil ceacht ansin do Lá Nua. Agus do Shinn Féin má tá siad ag iarraidh teacht i dtarrtháil ar Lá Nua nó an dream a chuirfidh seirbhís ar fáil i ndiaidh imeacht Lá Nua.

Ni mór cúpla lá chun teacht ar thuiscint go bhfuil deireadh le teacht gan mhoill le Lá Nua agus cur chuige ceart a shocrú don am atá le teacht. Cúpla pointe gur fiú a chíoradh dar liom.
1- Tá an faire do Lá Nua thart, críochnaithe, finito. D’éirigh muid feargach agus frustrach ach tá deireadh le Lá Nua mar a bhí. Is gá tabhairt faoi bheartú chomharba Lá Nua anois. Is gá smaointe fiúntacha dearfacha chuige sin mar aon le daoine a bhfuil cumas iontu nó acmhainn acu. Daoine a thuigeann méid na coimitminte atá de dhíth chun go mbeadh seirbhís nuachta i nGaeilge ar fáil gach lá. Tá mé féin sásta, cinnte, ról a imirt ann, agus tá an blag seo ar fáil fosta. Ach níl imeacht uaidh ná go bhfuil gá le daoine óga maithe cumasacha a bhfuil coimitmint acu don chuspóir seo agus fuinnimh is am acu chun tabhairt faoi.
2- Is mó seans ná a mhalairt nach mbeidh deontas ar fáil ag an tús, is cuma cén togra a thiocfaidh i gcomharbacht Lá Nua. Ach gach seans go mbeidh aon togra nua ar scála níos lú ná mar a bhí Lá Nua. Caithfear a shocrú ar mhaith le daoine rud a bheadh ar-líne nó rud a bheadh clóite, agus caithfear socrú cé air a bhfuil an nuachtán dírithe agus cén ról a bheidh aige.
3- Bhainfeadh sé de mhisneach an phobail Gaelaigh dá mbeadh Fhoras na Gaeilge in ann Lá Nua a ligean chun báis agus mar sin ní mór do dhaoine iarracht ar leith a dhéanamh chun nach dtarlódh sin,. Agus chun cinntiú de nach gcuirtear amú an obair ollmhór a rinne daoine áirithe, ar bheagán thuarastal nó gan íocaíocht féin, chun an fiontar seo a choinneáil ag dul le 24 bliain.
4- Tá margadh ann do nuachtán laethúil Gaeilge, margadh ar ghá a chruthú agus a fhorbairt agus a fhás lá i ndiaidh lae. Díreach mar ar ghá do gach nuachtán eile a dhéanamh. Cuireann an rialtas na milliúin ar fáil do RTÉ, TG4, R na G srl chun dul sa tóir ar éisteoirí agus féachóirí agus a margadh siúd, atá beag go leor i bhfírinne, a fhás. Ní bheidh sin ar fáil ag cibé dream a roghnaíonn tabhairt faoi chomharba Lá Nua a bhunú. Ach le díograis agus le daoine cumasacha i gceannas ann thiocfadh nuacht seirbhís laethúil i nGaeilge a chur ar fáil agus le himeacht ama an margadh don seirbhís sin a mhéadú.
5- Meon dearfach atá de dhíth. Cuir ruaig ar mheon agus ar an chur chuige gearánach a bhíonn chomh coitianta sin na saolta seo i measc cuid de lucht na Gaeilge. Smaointe agus moltaí dearfacha a thabharfaidh faill dúinn tosú anois ar chuid a Dó de scéal an nuachtán laethúil Gaeilge.

ó From the Balcony, A Publisher's Blog le Máirtín Ó Muilleoir ar maidin inniu

http://apublishersblog.blogspot.com/

Last month, the all-island body Foras na Gaeilge decided not to continue to provide funding for an Irish language daily newspaper — spelling the end for our newspaper Lá Nua which received a grant from the Foras to cover the period January 2007-December 2008.

In that period, Lá Nua incurred substantial losses and when the project closes its doors next month, total losses in the project will be around £270,000.

However, when Belfast Media Group acquired Lá Nua in 1999, we always knew it was to be more of a idealistic project — we believe firmly that there should be a daily Irish language newspaper/news service — than a profit-making project.

Foras is seeking tenders for a new contract for a weekly Irish language paper and Belfast Media Group looked hard at that contract. However, it involves no daily news element and we do not believe it would be, for us, economically viable — even with government grant aid.

(Of course, it would also mean taking jobs to Belfast from the existing weekly Foinse, which is doing an excellent job in Conamara, which seems to me to a zero sum game.)

Thus we have to make preparations to close down Lá and make its staff in West Belfast and Donegal redundant — a sad return for their tremendous commitment to the daily newspaper.
Foras did offer a three month extension (before execution) to March 2009. However, Belfast Media Group isn’t able to carry the additional losses such a temporary extension would entail.
Thus an important chapter in the Irish language will come to a close — Lá was founded in 1984. I remain of the belief that there should be a daily news service in Irish in Ireland and would love to see that news service/newspaper come from Belfast. I’m glad to see Gerry Adams endorse that view yesterday when he said Irish speakers are entitled to have a daily newspaper — even if it is online — and called for a strategy to create the successor to Lá.

I wish the next group who takes up the mantle of providing a daily newspaper every success and I have no doubt that such a group will emerge. The environment for an Irish language daily newspaper/news service is much more favourable today than it was when Gearóid Ó Cairealláin and Eoghan Ó Néill set up Lá in West Belfast in 1984; it’s nothing short of a tragedy that for want of government support, we are shortly to be without our daily Lá.