Ta an BLAG SEO BOGTHA GO http://andrumamornuacht.blogspot.com/

Ainm le háireamh é Johnny Bán Mc Aleer, as Caisleán Glas, Tír Eoghain. Cailleadh Johnny i 1972, agus ba é an chainteoir dúchais deireanach sna Sé Chontae. Nó sin an cuma atá ar an scéal dar le Diarmuid O Tuama, an té atá ag ullmhú sraith teilifíse do TG4 ar chainteoirí dúchais na Sé Chontae. Tá an tsraith á déanamh ag an chomhlacht léireacháin Tobar Productions i mBéal Feirste. Bhí na mílte cainteoirí dúchais sna Sé Chontae am bunaithe an stáit, suas le 7,000 duine acu b'fhéidir, ach in eagmais aon pholasaí stáit chun tacú leo d'imigh siad mar a d'imeodh sneachta roimh an ghrian. Sa tsraith sé chlár seo, Táisce na Tuaithe, nochtann Diarmuid scéal na gcainteoirí dúchais i gceantracha ar fud na Sé Chontae agus i roinnt contaetha eile ó dheas ó rinneadh an tír a dheighilt. An raibh a fhios agat gur cailleadh an bheirt chainteoir dúchais deiridh i gContae Sligigh i 1999! Nach iontach an scéal é. Ar an léamh is measa ar an scéal léireoidh an tsraith seo díreach a bhfuil i ndán do phobal na nGaeltachtaí traidisiúnta mura mbíonn casadh ar an taoide go luath.
Diol suime seachas pobal a bheidh sna cainteoirí dúchais agus diaidh ar ndiaidh caillfear iad duine ar dhuine. Nó an taobh eile den scéal bíodh is gur briseadh ar an cheangal stairiúil sna Sé Chontae tá Gaeilge le cloisteáil anois i gContae Dhoire, i dTír Eoghain, i nGlinntí Aontroma agus i ndeisceart an Dúin thar mar a bhí le 100 bliain de réir mar atá glúin de dhaoine óga á dtógáil i nGaeilge.
Tabharfaidh an tsraith seo léargas ar leith dúinn agus cuirfidh sé leis an díospóireacht faoina bhfuil i ndán don Ghaeltacht. Beidh Táisce na Tuaithe ar TG4 san earrach amach romhainn. Agus beidh agallamh le Diarmuid O Tuama faoin sraith le cloisteáil ar Raidió Fáilte 107fm www.raidiofailte.com De hAoine 22 Lúnasa ar mheánlae.

p>

digg it | del.icio.us