Iriseoir mé a bhíonn ag obair go minic le Raidió Fáilte na saolta seo -
www.raidiofailte.com
D'oibrigh mé tráth le Lá, le Blas, Raidió Uladh an BBC, agus le tograí Gaelacha eile.
Agus bionn mé ag obair fosta ag Iontaobhas na Gaelscolaíochta, lucht maoinithe na nGaelscoileanna ó thuaidh.
Suim mhór agam i gcúrsaí polaitíochta agus i gcúrsaí taistil. 
Salmond feasa
Is é Alex Salmond a bheidh mar phríomhaoí ag na Gradaim Aislinge, duaiseanna a reáchtálann Grúpa Meán Bhéal Feirste gach bliain chun tallann is cumas is díograis phobal Bhéal Feirste a cheiliúradh. Is iontach an sceal é sin agus is amhlaidh is mó an tarraingt do dhaoine ar mhaith leo a bheith i láthair in Óstan an Europa ar 20 Samhain. Tá Martin Mc Guinnesss le bheith i láthair le Céad Aire Albain agus tá mé cinnte de go mbeidh plé iontach ag an bheirt faoin mhéid a bhain na hAlbanaigh amach lena tionól siúd agus a laghad is a bhain tionól Stormont amach cionn is nach bhfuil muinín ag na hAontachaithe iontu féin nó ina gcomharsanaigh. Tá Gradam na Gaeilge ar na gradaim eagsúla a aithnítear ar oíche na nGradam agus más suim leat duine nó grúpa a ainmniú don Ghradam sin thig dul isteach chuig an suíomh seo, http://www.belfastmedia.com/aisling/ Níl ach cúpla lá fágtha le go mbeadh na hainmiúcháin istigh mar sin, déan deifir. Tá a fhios agam go bhfuil daoine áirithe ag brú Breag go mór i mbliana agus chuala mé ainm Clára Nic Giolla luaite cúpla uair mar aon le Albert Fry agus Janet Muller. Ach fút atá sé - déan deifir.
digg it
del.icio.us
agus "LÁ" ag druidim chun deirí dar liom nach bhfuil duine ar bith is mó a bhfuil gradam tuillte aicí ná ÁINE NIC GHEÁRÁILT a d'oibir gan sos gan staonadh leis an pháipéar ón chéad lá bunaíodh é agus atá go fóill ann.Bhí daoine a tháinig chuig an pháipéar a thug a seal agus d'imigh ach d'fán Áine an cúrsa.Mura a bhfaighe sise gradam ar a shon sin tá an saol seo rannta go héagcothrom
Séamus Mac Seáin — 2008-10-27 - 11:51:09 GMT 0
Agus rinne sí rud nár éirigh le mórán a dhéanamh - margadh do siopa leabhair a aimsiú agus an margadh sin a fhás. Gan tagairt don mhéid a rinne sí do go leor againn a bhíonn sa Chultúrlann. Moladh iontach.
liam — 2008-10-27 - 13:06:35 GMT 0