Iriseoir mé a bhíonn ag obair go minic le Raidió Fáilte na saolta seo -
www.raidiofailte.com
D'oibrigh mé tráth le Lá, le Blas, Raidió Uladh an BBC, agus le tograí Gaelacha eile.
Agus bionn mé ag obair fosta ag Iontaobhas na Gaelscolaíochta, lucht maoinithe na nGaelscoileanna ó thuaidh.
Suim mhór agam i gcúrsaí polaitíochta agus i gcúrsaí taistil. 
A Brand new scannal
Tá scannal ag baint le Jonathan Ross - agus ní hé amháin an 'jóc' suarach a d'imir sé féin is Russell Brand ar Andrew Sachs.
Tá Jonathan Ross ar chonradh trí bliana ar luach £18m. Sea, £18m. Dá mbeadh baincéir nó ceannasaí ar chomhlacht ola ar an tuarastal sin bheadh daoine le daoraí faoi. Ach tá Jonathan Ross ag saothrú oiread i mbliana agus a shaothródh cúpla míle duine againne lenár saol oibre ar fad. As cláir teilifíse is raidió a chur ar fáil. Agus ar eagla na míthuisceána is é airgead poiblí a mhaoiníonn é, iad sin a íocann as ceadúnas teilifíse. Sin scannal.
Maidir leis an chuid eile de, déanann daoine meancógaí agus b'fhéidir gur fiú amharc ar an rud a rinne siad sa chomhtheacs sin. Ach uaireanta bíonn an te atá ar airgead mór sotalach agus thar a bheith sotalach. Agus cén seans go raibh Jonathan agus Russell díreach rud beag bogasach agus lán díofa féin? Gach seans.
Ba chuma liom an bheirt acu báta agus bóthar a fháil. Ní shilfidh mise deoir do thoicithe mar iad a bheith á mbriseadh.
Cén dochar do Ross a shaothraigh na milliún ó airgead ceadúnais s'agatsa go dtí seo (má tá cónaí ort faoi smacht na Breataine go fóill) Nó do Russell Brand ar bhreá leis P45 an BBC a chur le P45 MTV agus cúpla dream eile agus maíomh as gur bhris an BBC é cionn is go raibh sé ró'daring.'
Agus ar £200,000 as gach clár raidió a dhéanann sé níl Russell i ndiaidh déanamh go dona as a sheal leis an Beeb.
Mas mian leat scannal a aimsiú ansin, mar a deir siad sa Bhéarla, follow the money. Agus tá an méid a íocann an BBC le láithreoirí scannalach. Lán stad.
Is é a dtuarastal agus a sotal a chuireann as domsa. Agus an dóigh a thugann na meáin 'nuacht' ar scéal mar seo.
Tá daoine á gciceáil amach as a dtithe mar thoradh ar shantacht bhaincéirí a chuir amú na gcéadta milliún punt agus nach dtabharfar os comhair cúirte go deo gan trácht ar lá a chaitheamh faoi ghlas.
Ach ní nuacht sin!
digg it
del.icio.us
An bhfuil aon fhirinne go bhfuil Russell Brand and Jona i ndiaidh conradh a shíniú le Raidió Fáilte? Na Giollaí Deacra nua?
Giollaí Deacra Nua — 2008-10-29 - 15:46:59 GMT 0
cloisim go bhfuil siad beirt curtha ar fionnraidh ón BBC go dti go mbeidh fiosruchán déanta
Léitheoir laethiúl — 2008-10-29 - 16:44:29 GMT 0
An jóc is fearr ná go mbeidh sibhse, na daoine sin a íocann an ceadúnas BBC, ag íoc as pá na díse seo agus iad ar fionraí, as aon airgead iomárca má bhíonn siad le briseadh, agus as fineáil ar bith a ghearrtar ag Ofcom orthu. Bhí an ceart ag Conchúr Ó Liatháin gan an rud a íoc mar gheall ar a neamart ar an Ghaeilge. Dála an scéil, is maith liom an focal jóc.
Jóc ceart — 2008-10-29 - 18:09:11 GMT 0